Start / L’Autodeterminazion

L’Autodeterminazion

NOSTA SALVËZA: L’AUTODETERMINAZION

Durnwalder dij: ”Nëus vivon te chësc Stat y sce chësc Stat va sot, po jons ënghe nëus sot!” Nëus ne son nia taliani, nëus ne son nia respunsabli de chësta miseria taliana. Nëus ne òn mei tëut la dezijion de resté pra chësc Stat. Che l’autodeterminazion ie realistica ënghe al di da ncuei, desmostra la Scozia, ulache tl 2014 unirà lità per l ndependënza. Ënghe l ndependënza dl Sud-Tirol muessa vester, sce ulon avëi n daunì segur! SÜD-TIROLER FREIHEIT.

SANGUNÉ ORA PER LA TALIA

La Talia cumbat per si sëuraviver. L Stat à 2.000 miliarc de euro de debic. Chël fej ora l 123% de duta la forza economica de n ann. Y nëus messon tré ora l Stat da chësc paltan? Sud-Tirol à n cunfront me ca. 83% de debit n cunfront al redit nazionel intern. Zënza la Talia sën stajëssan scialdi miec, n ëssa valors dl “rating” sciche la Germania y pudëssa nscì giapé miëura condizions per i mprësc’ y arbassé la chëutes! Restan pra la Talia unirà nosta families y nosta firmes for inò ciariedes cun nueva chëutes. Nëus son for manco competitivs, la vita devënta for plu cëra y na fin ne ie nia da udëi. Te na Talia amaleda ne possa Sud-Tirol nia avëi n daunì sann! L ie ëura de se n jì!

L’AUTONOMIA NE TËN NIA BOZA L

ne passa nia un n di zënza che n auda burta notizies da Roma. Cunzescions dal’ega, chëutes tenides zeruch o scioldi blochei – tla crisa ne se cruzia la Talia nia de nosta autonomia! L statut speziel ne ti ie nia a la mont de debic dla Talia. Ënghe sce i 5 rapresentanc dl “Edelweiß” dà for ju la usc contra l Guviern, desmostra chësc me la deblëza y la confujion contra l gran druch de 945 deputac talians. La SVP dij for che canche Roma jirà contra l’autonomia saral ruveda l’ëura dl’autodeterminazion. Sce nia sën, po can?

SE ABINÉ CA N BON POST, PLU MPURTANT DL DAUNÌ?

Tla SVP iel me mpurtant abiné ca n bon post. Chi devënta pa presidënt dla jonta provinziela? Chi va pa a Roma? Ciuna assoziazion ti dà pa sustëni a ciun candidat? N curt: chi giapa pa cie? Ntant che truepa families ne ruva nia ora cun si davani, l’autonomia vën desfata, la Talia manacia de jì sot da n di a l auter y nosc daunì ie for plu melsegur, ne à l partit de guviern niauter da fé che mantenì si putënza. N mudamënt ie bele puscibl tl ann che vën! SÜDTIROLER FREIHEIT.

Kommentar hinzufügen

Diese E-Mail ist schon registriert. Bitte benutzen Sie Das Login-Formular oder geben Sie eine andere ein.

Sie haben nicht das korrekte Login oder Passwort eingegeben

Sie müssen eingeloggt sein, um einen Kommentar schreiben zu können.