Start / L muvimënt dl Sudtirol per la lidëza

L muvimënt dl Sudtirol per la lidëza

L muvimënt dl Sudtirol per la lidëza – alianza liedia per l Sudtirol “Süd-Tiroler Freiheit” ie na alianza liberela- patriotica che uel fé valëi l dërt dl’autodeterminazion per l popul dl Sudtirol.

Nosc paesc ie ocupà dal 1918 dal guviern zentrel talian y nëus desmustron mo for resistenza contra chësta ngiustizia.

Circa 350.000 tiroler de lingaz dl’oma tudësch viv te chësc luech che ie stat dat a la Talia, jan inant cun la batalia per cunservé si tradizions y usanzes. Mantenì l’identità culturela te n Stat furest ie na gran sfida. Sëuraprò ie la Talia sul ëur de jì n malora y ënghe nosta region, che fossa rica, patësc l pëis dl’inioranza dl Guviern Zentrel Talian tl ciamp economich. Da nëus ora iel me puscibl mantenì nosc bënsté se spartian da la Talia.

Tl 1918, do la prima viera mundiela, ova trupes talianes tëut ite la pert meridionela dla region austriaca dl Tirol, scebën che l presidënt american Woodrow Wilson, te si scialdi cunesciui “catordesc ponc”, ova detlarà che n dassëssa adaté i cunfins dla Talia do la demarcazion tra la nazionaliteies da recunëscer tlermënter. Ma l tratat sucrët de Londra, cun chël che la Talia ngianova si aleac, garantiva ala Talia chël che n tlama “confine del Brennero”. Chësc cunfin spartesc mo for l Tirol te doi pertes. Sota l guviern fascist de Mussolini ova la popolazion tudescia patì la deportazion y persecuzion. Hitler ova fat ora cun Mussolini de esilië i sudtirolesc y nsci ovi pruibì d’uni sort de propaganda per la cuestion dl Sudtirol tla Germania y tl Austria. Per chësc ie l fascism y l nazionalsozialism cunsciderei i gëvafosses de nosta nazion. Nosc muvimënt ne sustën degun tipo de estremism politich.

Sciche conseguenza, fova states stlutes la scoles tudësces y n ova pruibì de les giaurì inò. Sëuraprò fova mo duc i inuemes tudësc stai talianisei, monce la scrites sun la fòsses, y mo al di da ncuei vën adurvei i toponoms fasisć te dut l Sudtirol.

Nchinamei monumënc dl’era fascista ie mo da udëi y vën mantenì cun i scioldi di zitadins talians (ënghe chëi dl Sudtirol). Sëuraprò tën persones politiches, per ejëmpel l ex-minister di esteri Gianfranco Fini, presidënt dl partit neofascist “Alleanza Nazionale” (sën PdL), zeremonies solennes a la memoria di saudeies fasisć sota al “Monumënt a la vitoria”, a Bulsan, capitela provinziela dl Sudtirol. Te chësta maniera fëstejea chësta persones si vitoria sëura nosc popul, na vitoria che storicamënter ne ie nia stata militera, ajache nchin a la fin dla prima viera mundiela ne fova niaca un n saudé talian ruvà ite tl Sudtirol. La trupes talianes ova tëut ite l raion do la fin di stritoc y perchël fovel stat na vitoria diplomatica, arjonta cun baujies y tradimënc, nia na vitoria militera, sciche ulëssa desmustré l “Monumënt a la vitoria”.

Al di da ncuei, tl’epoca di dërc dla persona y dla lidëza, ne à nosta jënt mo for nia giapà l dërt de autodeterminazion. Perchël pretendon n referendum che ti dà la puscibilita al popul de lité sce resté pra la Talia o furmé n Stat ndependënt. L Stat talian ne ti à mei cunzedù a nosc popul n dërt tan fundamentel: la lidëza per l Sudtirol, che ne ie mei stat, y mei sarà talian.

Nosc fé se ispira ai dërc dla persona. Nosta dezjions se urienteia ai prinzips dl dërt y dla giustizia.

Nosta prioriteies ie:

Autodeterminazion

L dërt de autodeterminazion dla populazion ie al prim pont dl articul 1 di tratac sui dërc dla persona y ie perchël esprescion dla lidëza che uni popul possa revendiché. La spartizion dl Tirol y la cunlieda dl Sudtirol a la Talia ie states metudes n droa n violazion di prinzips dla rëjon y dl drët y dantaldut contra l ulei dla populazion. Da ntlëuta ncà à l Sudtirol for inò messù temëi per si vester y mo nianca al di da ncuei al garanzies de pudëi mantenì si identità linguistica y cultuerla. Nosc popul ie na minoranza te n Stat fulestier y l’autonomia da sëula ne basta nia per l defënder a la longia da l’assimilazion y da la talianisazion uluda. Perchël ie la scumënciadiva de n referendum sul daunì politich dl Sudtirol l sëul strumënt che possa ressolver la cuestion dl Sudtirol.

Patria

Dërt dl lingaz dl’oma. L lingaz dl’oma ie l elemënt dl’identità culturela n assolut plu mpurtant, perchël ie l dërt de pudëi adurvé l lingaz dl’oma n dërt nia da renunzië. Massa suvënz anconten tl Sudtirol aparac statai che ne ie nia boni o ne à nia la ulentà de rusné l lingaz tudesch, scebën che la desposizions dl Stat dl’autonomia ie de chësc vieres tleres. Propi perchël iel de bujën de cuntroi plu sciorfes per chël che reverda l cunescër l lingaz tudësc tl’asseniazion de posć publics, y de sanzions restritives tl cajo dla violazion dl dërt de pudëi adurvé la rujeneda dl’oma. Chësc dërt ne ie nia na provocazion ma zeche che à da vester. L medemo muessa valëi ënghe per la grupa etnica ladina.

N’Europa pluralistica

Al di da ncuei ie l’Union Europea mo na comunità de stati nazionei y nia de comuniteies de populi y de regions sciche l mussessa vester. L’Europa ne possa nia deventé na union de stac stersc y uniformes. La richëza y l daunì dl’Europa ie tla pluralità di populi, di lingac y dla cultures che la fej ora. Populi y grupes etniches de pitla dimenscions possa me sëuraviver sce n recunësc l valor de chësta richëza y sce n cunscidereia chësta pluralità nia na manaceda, ma n arichimënt.

Ein Kommentar

  1. Deutsche Südtirolverbündete

    Grüß Gott! Ich kann leider kein Ladinisch, aber ich möchte Euch allen sagen, dass Ihr Herzenslieblinge Jesu seid und dass der heilige Josef Euch mit Ganztirol behütet. Im Gebet seid Ihr jeden Tag bei mir!

Schreibe eine Antwort

Deine E-Mail Adresse wird nicht veröffentlicht.Pflichtfelder sind markiert *

*